За клубот

Македонскиот клуб за германски овчар е здружение на граѓани љубители на расата Германски овчар. Клубот е официално регистриран во централниот регистер на здружениа на граѓани и е признат како единствен клуб за германски овчари на територијата на Република Македонија од страна на кинолошкиот сојуз на Република Македонија. Клубот како цели и задачи ги има развојот и унапредувањето на расата гремански овчар во Р.Македонија. Клубот води родовна книга за германските овчари во Македонија и организира екстериерни изложби, наскоро ќе се организираат и работни испити, предавања и други активности со цел унапредување на расата германски овчар. Клубот располага со канцеларија која е лоцирана во Градскиот Парк и е дел од институтот за сточарство со адреса ул. Булевар Илинден Бр. 9. Во склоп на канцеларијата во скоро време ќе функционира и терен за обука на кучиња со справи и ревири за вежби, агилити справи и рингови за обука на ринг дресура и работна дресура.